ഈ കഥയിലെ നായകന് ഒരു പാവം പോലീസ് സബ് ഇന്സ്പെക്ടര് ആണ്... വില്ലന് ഞാനും!!! ഞെട്ടണ്ട, എനിക്ക് 3 വയസ്സേ ഉള്ളു അന്ന്...
ഒരു ഉറക്കം കഴിഞ്ഞു എണീറ്റ ഞാന് കാണുന്നത് അച്ഛന്റെ കൂടെ ഇരുന്നു സംസാരിക്കുന്ന ഒരു പോലീസ്കാരനെ... എനിക്കാണെങ്കില് പോലീസിനെ കാണുന്നതെ വെറുപ്പാണ് അന്ന്, മറ്റൊന്നും കൊണ്ടല്ല, പേടികൊണ്ടാ... മെല്ലെ അവിടുന്ന് സ്കൂട്ട് ആവാന് നോക്കിയ എന്നെ പോലീസ് കണ്ടു...
വാ മോനെ, ഉറങ്ങുകയായിരുന്നോ???
ഞാന് മടിച്ചു മടിച്ചു ചെന്നു... അപ്പൊ അങ്ങേരു എന്നെ എടുത്ത് മടിയില് ഇരുത്തി ...
"എന്താ മോന്റെ പേര്??"
ഞാന് ഒന്നും മിണ്ടിയില്ല, കൊല്ലാന് ആണോ വളര്ത്താന് ആണോ എന്ന് അറിയില്ലല്ലോ... അച്ഛന് എന്റെ പേര് പറഞ്ഞു കൊടുത്തു...
"ആഹ... നല്ല പേരാണല്ലോ, ഞാന് മോന്റെ അച്ഛന്റെ കൂടെ പഠിച്ചതാ.. ഇവിടത്തെ എസ് ഐ ആണ്... മോന് എന്തു ആവശ്യം ഉണ്ടെങ്കിലും പറയണം കേട്ടോ?"
അതോടെ എന്റെ വിമ്മിഷ്ടം ഒക്കെ അങ്ങ് മാറി... "പിന്നെ എന്നാ ഉണ്ടടെ മച്ചൂ..." എന്ന മുഖ ഭാവത്തോടെ ഞാന് ചോദിച്ചു...
"കള്ളനെ ഒക്കെ പിടിക്കുമോ?"
"പിന്നെ, പിടിക്കാതെ? അതല്ലേ അങ്കിളിന്റെ ജോലി? മോന് ഏത് കള്ളനെയാ പിടിക്കണ്ടേ? പറ"
ഞാന് ഒരു ചോദ്യഭാവത്തോടെ അച്ഛനേം അമ്മയേം മാറി മാറി നോക്കി...
"ചോദിക്കട്ടെ?"
അപ്പൊ അങ്ങേരു വീണ്ടും എന്നെ ഒരു ആവശ്യവും ഇല്ലാതെ പ്രോത്സാഹിപ്പിച്ചു...
"മോന് ചോദിക്ക്"
"അതേ, ഇന്നലെ എന്റെ ഒരു ഷഡി കാണാതെ പോയി... അതു കൊണ്ട് പോയ കള്ളനെ ഒന്ന് പിടിച്ചു തരുമോ?
"ഈ ചെക്കന്"
അമ്മ എന്നെ തൂക്കി എടുത്ത് കൊണ്ട് പോയി... അതു കൊണ്ട് എനിക്ക് ഒരു അസുലഭ മുഹൂര്ത്തം നേരിട്ട് കാണാന് ഉള്ള ചാന്സ് മിസ്സ് ആയി...
ജോയിന് ചെയ്തു ആദ്യമായി ഷഡി കണ്ടു പിടിക്കാന് ഉള്ള കേസ് കിട്ടിയ പാവം പോലീസ് സബ് ഇന്സ്പെക്ടര്ടെ ഇളിഞ്ഞ മുഖം!!!
കടപ്പാട് - അമ്മ !!!
No comments:
Post a Comment