ഓഫീസില് നിന്നും വീകെണ്ടില് വീട്ടില് എത്തിയ എന്നെ കാത്തിരുന്നത് അച്ഛന്റേം അമ്മയുടെം വിഷമം നിറഞ്ഞ മുഖം ആണ്... കാര്യം അന്വേഷിച്ചപ്പോ കുറച്ചു പ്രശ്നം ആണ്...
തറവാട്ടില് ഒരു പാട് ദുര്മരണങ്ങള് നടന്ന സമയം.. ഏതോ ഒരു പണിക്കര് വന്നു പ്രശ്നം വെച്ചു പറഞ്ഞു, നാഗശാപം ഉണ്ട്... ഒരു വര്ഷത്തിനിടെ നാല് ദുര്മരണങ്ങള് നടന്നു കഴിഞ്ഞു.. ഇനി ഒരു മരണം കൂടെ നടക്കും... അതു തടുക്കാന് ആവില്ല... കാരണവന്മാര് ഒക്കെ പ്രധിവിധിയെ കുറിച്ച് ആരാഞ്ഞു... നോ പ്രതിവിധി... നേരിട്ട് കൊള്ളുക... ഒരു ക്ലൂ തരാം.. ഒരു പുണര്തം നക്ഷത്രംകാരന് ആണ് ആ ഭാഗ്യവാന്!!!
ഈയുള്ളവനും പുണര്തം നക്ഷത്രം!!!
"നീ ഇനി കുറച്ചു കാലം പുറത്തൊന്നും പോണ്ട... യാത്ര ഒക്കെ കുറച്ചോ... ഒന്ന് രണ്ടാഴ്ച ലീവ് എടുക്ക്"
അമ്മ നയം വ്യക്തമാക്കി...
സത്യം പറഞ്ഞാ എന്റെ ഉള്ളു ഒന്ന് കാളി... പക്ഷെ ഉള്ളില് ഉള്ള പേടി പുറത്തു കാണിക്കാതെ ഞാന് പെട്ടന്ന് നിരീശ്വരവാദി ആയി...
"നിങ്ങളൊക്കെ ഏത് നൂറ്റാണ്ടിലാ ജീവിക്കുന്നത്? പിന്നല്ലേ, ജാതകം!! എനിക്ക് അതിലൊന്നും വിശ്വാസം ഇല്ല... ലീവ് എടുക്കാന് ഒന്നും തല്ക്കാലം എനിക്ക് പ്ലാന് ഇല്ല"
ഈ ഡയലോഗ് ഒക്കെ അടിച്ചെങ്കിലും അടുത്ത ഒന്ന് രണ്ടാഴ്ച ഞാന് അറിയാതെ തന്നെ എന്റെ ബാഡി ആവശ്യം ഇല്ലാതെ കെയര് എടുക്കുന്നുണ്ടായിരുന്നു... പിന്നേം കുറച്ചു ദിവസം കഴിഞ്ഞപ്പോ വീട്ടില് നിന്നും കാള് വന്നു... തറവാട്ടിലെ ഒരു കാരണവര് മരിച്ചു എന്നും പറഞ്ഞു...
അങ്ങേരു പുണര്തം നക്ഷത്രം ആണോ എന്നായിരുന്നു എനിക്ക് അറിയേണ്ടിയിരുന്നത്, അതു നേരിട്ട് ചോദിച്ചാ ഞാന് മസില് പിടിച്ചതൊക്കെ വെറുതയാവൂലെ? അവിടേം അമ്മ രക്ഷക്കെത്തി...
"മൂപെര് പുണര്തം നക്ഷത്രം ആണത്രേ"
എന്റെ തലക്ക് മുകളില് തൂങ്ങി കിടന്ന വാള് ഊരി അരയില് തൂക്കിയിട്ട് ഡെമോക്ലിസ് പോയി... സമാധാനം!!!
പിന്നെ തറവാട്ടില് പോയപ്പോളാണ് ക്ലിയര് പിക്ചര് കിട്ടിയത്!
ഈ പുണര്തം നക്ഷത്രം കഥ കേട്ടപ്പോ മുതല് പാവം "പുണര്തം അമ്മാവന്" തലക്ക് അടി കിട്ടിയ പോലെ നടക്കുകയായിരുന്നു... ഒരു ദിവസം അങ്ങേരു രാത്രി ഓപ്പണ് എയര്ല് കാര്യം സാധിക്കാന് പോയപ്പോ വെറുതെ ഒരു മിന്നല് അടിച്ചു... അങ്ങേരു വിചാരിച്ചു കാലന് ടോര്ച് അടിച്ചു നോക്കിയതാണ് എന്ന്!
അതോടെ ഖുദാ ഗവ!!!
No comments:
Post a Comment