"അമ്മെ, എന്താ ഉഷേചീടെ തൊട അല്ലെ?"
പുതുതായി വന്ന ജോലിക്കാരി മുടിഞ്ഞ ആത്മാര്ഥതയോടെ നിലം തുടക്കുന്നത് കണ്ടു ഒരു മകന് അമ്മയോട് ഇങ്ങനെ പറഞ്ഞാ എങ്ങനെ ഇരിക്കും? ഉഷേചിയെ പറ്റി ആണോ? അതോ ഉഷേച്ചിയുടെ തുടക്കലിനെ പറ്റി ആണോ മകന് പറഞ്ഞത് എന്ന് ആ പാവം അമ്മ എങ്ങനെ മനസ്സിലാക്കും??
ആ മകന് ആണ് അഭിജിത്ത് അലക്സാണ്ടര് കടവുങ്കല്!!! ഞങ്ങളുടെ ഒക്കെ പ്രിയപ്പെട്ട അഭിജിത്ത്, അഭി സാര്... കുറെ പഠിക്കണം... പിന്നേം പഠിക്കണം... പിന്നെ കുറേ ഭക്ഷണം കഴിക്കണം... പിന്നേം കഴിക്കണം... വേറെ ഒരു വിചാരവും ഇല്ലാത്ത ഒരാള്... നിര്ബന്ധിച്ചാ എന്തിനും റെഡി, പക്ഷെ നിര്ബന്ധിക്കണം!!! കഥയുടെ ആദ്യത്തെ വരി വായിച്ച ഏതൊരാളും ഇയാളെ പറ്റി ഒറ്റ വാക്കില് പറഞ്ഞു നിര്ത്തും...
"ആഭാസന്"
എന്നാ ഒന്ന് പരിചയപ്പെട്ടു നോക്കൂ, വിവരം അറിയും... നാവില് വികടസരസ്വതി സദാ വിളയാടികൊണ്ടിരിക്കുന്ന ഒരു നിഷ്ക്കളങ്കന്... ഇയാളെ പറ്റി ഒരു കഥ എഴുതുക എന്നത് വലിയൊരു ഉത്തരവാദിത്തം ആണ്... അതുകൊണ്ട് ഏതാനും ചില സംഭവങ്ങള് മാത്രം എഴുതുന്നു...
********************************************************************************
ഓഫീസ് സ്റ്റാഫ് റൂമില് ജനലിലൂടെ പുറത്തേക്ക് നോക്കി നില്ക്കുന്ന അഭി സാര്... അപ്പൊ കയറി വന്ന സന്ദീപ് സാര് ചോദിച്ചു,
"നീയെന്താ അഭീ നോക്കുന്നത്?"
"ഒന്നുല്ല മാഷേ, അവിടെ ഒരു പുശു പല്ല് തിന്നുന്നു"
ഇത് വരെ കാണാത്ത ഒരു ജീവിയെ കാണാം എന്ന് വിചാരിച്ചു ഓടി വന്ന സന്ദീപ് സാര് കാണുന്നത് ഒരു പശു പുല്ലു തിന്നുന്നത്...
********************************************************************************
"മമ്മീ... മമ്മീ... ഇതിന്റെ പ്രിന്റ്ഔട്ട് ഒന്നെടുത്തു തരുമോ"
റിസ്പ്ഷനില് ഇരുന്ന നിഷി ചേച്ചി ഞെട്ടിപ്പോയി...
********************************************************************************
രാത്രി ഓഫീസ് കഴിഞ്ഞു വീട്ടിലേക്ക് പോവുമ്പോള് ടോര്ച്ചിന്റെ വെളിച്ചത്തില് കണ്ടു, ഒരു പാവം ഞെണ്ട് റോഡ് ക്രോസ് ചെയ്യുന്നു...
"എടാ കടുക്ക"
"കടുക്കയോ? ഇതോ?"
"അല്ല, കടുക്കയല്ലാ.. എന്തായിരുന്നു ഇതിന്റെ പേര്? ആ ചെണ്ട്... ചെണ്ട്"
********************************************************************************
ഓണ്ലൈന് എക്സാം ഫോം ഫില് ചെയ്യുന്ന അഭി സാര്... ഫുള് നെയിം ഫീല്ഡില് അഭിജിത്ത് കെ എന്ന് എഴുതുന്ന കണ്ട ഷിജിചെച്ചി ചോദിച്ചു,
"നിന്റെ അച്ഛന്റെ പേരെന്താ?"
ഫോംഇല് നിന്നും കണ്ണെടുക്കാതെ അഭിസാര്,
"അലക്സാണ്ടര്"
"അപ്പൊ അമ്മയുടെ പേരോ?"
"മമ്മി"
"അതെല്ലെട ചെക്കാ, നിന്റെ അമ്മയുടെ ശരിക്കുമുള്ള പേരെന്താ?"
"ഏലിയാമ നേഴ്സ്"
********************************************************************************
എല്ലാരും കൂടെ ഡീലക്സ് ഹോട്ടലില് ചായ കുടിക്കാന് പോയി, അപ്പൊ ബോബ്സ് പറഞ്ഞു,
"അഭീ എനിക്ക് ഒരു അടിച്ച ചായ ഓര്ഡര് ചെയ്"
വൈറ്റെര് വന്നപ്പോ അയാളോട് അഭി സാര്,
"അച്ഛാ ചായ"
********************************************************************************
CCNA ലാബില് എലിയെ കണ്ടു പേടിച്ചു ഓടി പുറത്തിറങ്ങിയ അഭിസാറിനോട് ജോബി സാര്,
"എന്തു പറ്റി അഭീ"
"അവിടെ മറ്റേതു"
"എന്തു?"
"പുലീ"
"പുലിയോ?"
"അല്ല, പൂച്ച"
"പൂച്ചയോ? ഈ തേര്ഡ് ഫ്ലോറിലോ?"
"പൂച്ചയല്ല"
"പിന്നെന്താടാ"
തലയും ചൊറിഞ്ഞു എന്താ ആ ജീവിയുടെ പേര് എന്ന് ആലോചിച്ചു... ആലോചിച്ചു അവസാനം...
"മ്യാവൂ"
********************************************************************************
മൂത്ത ചേച്ചിയേം കൂട്ടി ഓഫീസില് വന്നതായിരുന്നു പാവം ശിവന് സാര്,
കണ്ടു ദൂരെന്നെ ചിരിച്ചു കൊണ്ട് വരുന്നു അഭി സാര്... അപകടം മണത്ത ശിവന് സാര് ആദ്യമേ കേറി പറഞ്ഞു,
"അഭിക്കുട്ടാ ഇത് എന്റെ..."
"എനിക്കറിയാം മാഷേ, നമ്മുടെ മറ്റേ കൊച്ചല്ലേ??"
പെട്ടന്ന് ചേച്ചിയുടെ പിന്നിലേക്ക് മാറി ശിവന് സാര് കണ്ണുരുട്ടി വേണ്ട വേണ്ട എന്ന് കാണിച്ചു... എവിടെയോ എന്തോ പ്രശ്നം ഉണ്ടെന്നു മനസ്സിലാക്കിയ അഭിസാര് ചേച്ചിയേം ശിവന് സാറിനേം മാറി മാറി നോക്കി, എന്നിട്ട്,
"ഓഹ്, ഞാന് അതു ഇവിടെ പറയാന് പാടില്ലായിരുന്നു അല്ലെ?"
********************************************************************************
പാര്ട്ടിയും കഴിഞ്ഞു കോഫി ഹൌസില് നിന്നും മൂന്നു മസാല ദോശയും കഴിച്ചു... ഒരു ദുര്ബല നിമിഷത്തില് വാള് വെച്ചു പോയി...
"അയ്യോ മാഷേ എനിക്ക് ലിവര് സിറോസിസ് പിടിച്ചൂ"
"എങ്ങനെ മനസ്സിലായി?"
ഇന്ത്യന് കോഫി ഹൌസിലെ ബീട്രൂറ്റ് മസാല നിറച്ച മൂന്നു മസാല ദോശ മൊത്തം വാള് വെച്ചത് ചൂണ്ടികാണിച്ചിട്ട്...
"കണ്ടില്ലേ ചോര..."
********************************************************************************
വയനാട് തോല്പെട്ടി കാട്ടില് കൂടെ ജീപ്പില് പോവുമ്പോള്... ഡ്രൈവര്,
"ഈ കാട്ടില് പുലിയൊക്കെ ഉണ്ട്..."
"ഓഹ്ഹോ, പുലി ഉണ്ടല്ലേ?"
എന്നിറ്റ് ഉറക്കെ,
"പുലീ... പുലീ... എടാ പുലീ ധൈര്യം ഉണ്ടെങ്കില് വാടാ പുലീ..."
"അഭീ നീയെന്ത കളിക്കുന്നത്? പുലിയെങ്ങാനും വന്നാ നിന്നെ ഞങള് ജീപ്പീന്നു ഉന്തി ഇട്ടു കൊടുക്കും..."
"മാഷേ അതിനു പുലിക്ക് അറിയോ പുലിയുടെ പേര് പുലി ആണെന്ന്?"
********************************************************************************
CCNA എക്സാമിന് ചത്ത് പഠികുകയായിരുന്നു അഭിസാര്, വിജോയ് സാര് പിന്നെ തമ്പു... ഒരു ബ്രേക്ക് എടുത്തപ്പോ തമ്പു അഭിസാറിനോട് ചോദിച്ചു,
ഡാ അഭീ, നിന്റെ ജീവിതത്തിലെ ഏറ്റവും വലിയ ആഗ്രഹം എന്താ?
"എനിക്ക് കൊറേ... ജ്യൂസ് കുടിക്കണം... കൊറേ ബിരിയാണി തിന്നണം"
********************************************************************************
വയനാട് റോഡ് ഷോയ്ക്ക് പോയ സമയം... വയനാട് KSRTC ബസ് സ്റ്റാന്ഡില് എത്തി... അപ്പൊ അഭി സര് കണ്ടു ഒരു ചെറിയ ഹോട്ടല്... ഉടനെ ജോബി സാറോട്...
"വാ മാഷേ നമുക്ക് KSRTC യും ചിക്കനും കഴിക്കാം"
********************************************************************************
റോഡ് ഷോയ്ക്ക് പോയി തിരിച്ചു വരുന്ന സമയം, കാറില് പെട്രോള് കുറവ്, ജോബി സാര് പറഞ്ഞു,
"അഭീ പെട്രോള് പമ്പ് കണ്ടാല് പറയണേ..."
കുറച്ചു പോയപ്പോ ഒരു പെട്രോള് പമ്പ്...
"മാഷേ വണ്ടി നിര്ത്ത്... അതാ ഒരു BP , ഹിന്ദുസ്ഥാന് പെട്രോളിയം"
********************************************************************************
ബോബ്സിന്റെ ആദ്യത്തെ വെക്കേഷന്... ബോബ്സും ജോബി സാറും അഭി സാറും കൂടെ ഒരു ഫുള് ബോട്ടിലുമായി കോഴിക്കോട് മൊത്തം അലഞ്ഞു നടപ്പാണ്... ഒരു റൂം കിട്ടാന്, അന്ന് മന്മോഹന് സിംഗ് വരുന്ന ദിവസം, ഒറ്റ റൂം ഒഴിവില്ല... അവസാനം സ്പാനില് എത്തി, കള്ള് കുടിക്കാന് ആണെന്ന് കേട്ടപ്പോ നോ റൂം! അതോടെ ബോബ്സും ജോബി സാറും ഉറപ്പിച്ചു അടുത്ത ഹോട്ടലില് കള്ളിന്റെ കാര്യം മിണ്ടില്ല. അവരുടെ കഷ്ടകാലത്തിനു ഈ കാര്യം അഭിസാറിനോട് പറയാന് മറന്നു പോയി.
അങ്ങനെ മിംസ് എത്തി, അവിടെ പുതിയൊരു ഹോട്ടല്, അവിടെ കേറി റൂം ചോദിച്ചു, റൂം ഉണ്ട്.
ഓര്ഡിനറി വേണോ എക്സിക്യൂട്ടീവ് വേണോ?
എക്സിക്യൂട്ടീവ് AC
ഓക്കേ
അങ്ങനെ റൂം റെഡി, ഗസ്റ്റ് Details എഴുതുമ്പോള് അയാള്...
ഡ്രിങ്ക്സ് ഒന്നും പാടില്ലാ ട്ടോ...
പാവം നിഷ്ക്കളങ്കന് കേട്ടത് ഡ്രിങ്ക്സ് ഒന്നും ഇല്ലാട്ടോ എന്നാണു... ഉടനെ വന്നു മറുപടി,
"സാരമില്ല, ഞങ്ങള് കൊണ്ട് വന്നിട്ടുണ്ട്"
********************************************************************************
രാവിലെ തന്നെ ഇരുന്നു പേപ്പര് വായിക്കുന്നു അഭി സാര്.
അപ്പൊ കേറി വന്നു സീറ്റില് ഇരുന്ന നിഷി ചേച്ചി...
എന്താ അഭീ ഇന്നത്തെ ന്യൂസ്?
"ചന്ദ്ര നായി ബാബുടു ഇലക്ഷനില് തോറ്റു"
********************************************************************************
രാത്രി കള്ളും കുടിച്ചു ഇന്ത്യന് കോഫി ഹൌസില് പോയി അവിടത്തെ തലപ്പാവ് വെച്ച വൈറ്റെര് വന്നപ്പോ ചാടി എണീറ്റു ഭവ്യതയോടെ,
"രാജാവേ അങ്ങുന്നു കല്പ്പിചാലും"
എന്ന് പറഞ്ഞ ഒരു മഹദ് വ്യക്തി ഉണ്ട്...
അയാളെ പറ്റി പിന്നെ എഴുതാം...
No comments:
Post a Comment