"ചേട്ടാ.... എണീക്ക്, സമയം എത്രയായി എന്ന് നോക്ക്... ഓഫീസില് പോണ്ടേ? എണീക്ക്... എണീക്കാന്...."
ഞാന് കണ്ണ് തുറന്നു നോക്കുംമ്പോള് മുന്നില് ഒരു അബായ ഒക്കെ ഇട്ടു ഒരു സുന്ദരി അറബിപെണ്ണ്...
"എത്ര നേരമായി വിളിക്കുന്നു, എണീറ്റൂടെ... ലേറ്റ് ആവും കേട്ടോ... സണ്ഡേ ആണ്, ട്രാഫിക് ഉണ്ടാവും"
ഇതാരാ എന്റെ ഭാര്യയാണോ? അതിനു ഞാന് കല്യാണം കഴിച്ചിട്ടില്ലല്ലോ... അതല്ല, എങ്ങനെയാണ് അറബി പെണ്ണ് മലയാളം സംസാരിക്കുന്നത്? എന്റെ കല്യാണം എപ്പോ കഴിഞ്ഞു? ഇതേത സ്ഥലം? തിരിഞ്ഞു നോക്കിയാ ഞാന് ഞെട്ടി... രണ്ടുമൂന്നു വയസ്സുള ഒരു കൊച്ചു മോള് കിടന്നുറങ്ങുന്നു... അയ്യോ, ഇതേതാ കൊച്ചു? ഇന്ന് ഏപ്രില് ഫൂള് ആണോ? ആരെങ്കിലും എന്നെ പറ്റിക്കുകയാണോ? അനീസ് എവിടെ?
"അല്ല, ഇതെന്താ തലക്ക് കയ്യും വെച്ചു ഉറങ്ങാണോ? എണീക്കെന്നു... സമയം പോണുട്ടോ..."
ഞാന് എണീറ്റു...
"ദാ ടവല്... മോളുടെ സോപ്പ് എടുക്കരുത് ട്ടോ... എന്താ ഇങ്ങനെ നോക്കുന്നെ, വേഗം പോയി കുളിക്ക്... അയ്യോ ദോശ കരിഞ്ഞെന്നാ തോന്നുന്നത്... ഇത് പിടിക്ക്"
അറബി ദോശ തിന്നാനോ? എനിക്കെന്താ പറ്റിയത്? ഇനി ഞാന് "മെന്റല് ഡിസൂസ" ആയോ... ഈശ്വരാ ജീവിച്ചു കൊതി തീര്ന്നിട്ടില്ല... എന്റെ കണ്ണില് വെള്ളം നിറഞ്ഞു... എവിടെയാ ബാത്രൂം? എന്റമ്മേ... എനിക്കെന്റെ അമ്മയെ കാണണം... ബാത്രൂം കണ്ടു പിടിച്ചു അകത്ത് കയറി ടവല് ഹന്ഗേരില് ഇട്ടു ടാബ്ബിലെക്ക് കാലെടുത് വെക്കുമ്പോള്
"ചേട്ടാ ടബ്ബില് കയറുമ്പോള് സൂക്ഷിക്കണേ... മോളുടെ ഓയില് മറഞ്ഞിട്ടുണ്ട്"
ഇത് "എന്റെ ഭാര്യ" പറയലും ഞാന് ടബ്ബില് കയറലും തലയടിച്ചു വീഴലും ഒപ്പം....
"അയ്യോ...എന്റെ തല... ഈശ്വരാ... ചോരാ"
"എന്താണെടാ... ഉറങ്ങാനും സമ്മതിക്കൂലെ?"
കണ്ണ് തുറന്നു നോക്കുമ്പോള് അനീസ്...
"എന്താ"
"കുന്തം... കിടന്നുറങ്ങെടാ"
"തലയടിച്ചു വീണതോഴിച്ചാല്, ബാകിയെല്ലാം കൊള്ളായിരുന്നു..."
"ഇനി നീ മിണ്ടിയാ ഞാന് ആയിരിക്കും നിന്റെ തലക്കടിക്കുക"
ചിരിച്ച് ചിരിച്ച് ഒരു പരുവമായി
ReplyDelete