Sunday, September 26, 2010
ബീച്ചിലെ മധുവിധു
കല്യാണം കഴിഞ്ഞു മധുവിധു ആഘോഷിക്കാന് എവിടെ പോവും എന്ന് ആലോചിചിരിക്കുമ്പോള് ആണ് ഒരു സ്റാര്ടെര് ആയി ഭാര്യക്ക് കോഴിക്കോട് ബീച് ഒന്ന് കാണിച്ചു കൊടുക്കാം എന്ന് ബോബ്സിനു തോന്നിയത്. അങ്ങനെ ഭാര്യയും ആയി ബോബ്സ് കോഴിക്കോട് ബീച്ചില് എത്തി... നീണ്ട 22 ദിവസത്തിന് ശേഷം സൂര്യപ്രകാശം മുഖതടിച്ചപ്പോള് ഒരു ചെറിയ പൊറുതികേടു തോന്നിയെനിലും ഭാര്യയുടെ സന്തോഷത്തിനു വഴങ്ങി അതെല്ലാം പാവം ബോബ്സ് ഉള്ളില് ഒളിപ്പിച്ചു... ബീച്ചിലൂടെ രണ്ടു കമിതാക്കള് ഓടി തൊട്ടു കളിക്കുന്നത് കണ്ടപ്പോള് ബോബ്സിനും ഒരു ആഗ്രഹം...
“നോക്കൂ, നമുക്കങ്ങനെ കള്ളനും പോലീസും കളിക്കാം?? എന്താ അഭിപ്രായം?”
ആദ്യമായി കാണുന്ന പോലെ ഭാര്യ ബോബ്സിനെ നോക്കി...
“ബോബേട്ടാ... തല്ക്കാലം നമുക്കൊരു ഐസ്ക്രീം കഴിക്കാം? എന്താ അഭിപ്രായം??”
“നീയോട്ടും റൊമാന്റിക് അല്ല...”
“ഇങ്ങനെ ലോറി ഓടുന്നത് പോലെ ഓടാന് എനിക്ക് തലയ്ക്കു ഓളം ഒന്നും ഇല്ല... ഇനി ബോബെട്ടന് ഓടണം എന്നുണ്ടെങ്കില് ദാ അവളുടെ പിന്നാലെ തന്നെ ഓടിക്കോ... എനിക്ക് ഐസ് ക്രീം വാങ്ങി തരുന്നുണ്ടോ ഇല്ലെയോ?”
ഇനി മിണ്ടിയാല് സംഗതി പാളും എന്ന് ഉറപ്പായപ്പോള് ബോബ്സ് പെട്ടന്ന് പ്ലേറ്റ് മാറ്റി... വിശാലമായി ചിരിച്ചു കൊണ്ട്,
“പിന്നെന്താ?? ഇന്ന് നിന്നെ ഞാന് ഐസ്ക്രീമില് മുക്കി കൊല്ലും... നോക്കിക്കോ... വാ... ആ, ലോറിയെ പറ്റി പറഞ്ഞപ്പോള എനിക്കൊരു തമാശ ഓര്മ വന്നത്... സൈക്കിള് റാലി പോലൊരു ലോറി രാറി !!!.... ഇതൊന്നു സ്പീഡില് പറഞ്ഞെ... അല്ല ഒന്നും ഇല്ല! വാ... "
അങ്ങനെ രണ്ടു പേരും കൂടെ ഐസ്ക്രീം പാര്ലര് എത്തി... ബോബ്സ് ഭാര്യയേയും കൂട്ടി നേരെ ഒരു ഇരുണ്ട മൂലയില് പോയി ഇരുന്നു... എന്നിട്ട് അടുത്തുണ്ടായിരുന്ന കര്ട്ടന് നീക്കി ഇട്ടു...
“ഇതെന്തിനാ ഇവിടെ ഇരിക്കുന്നത്?”
“നീ മിണ്ടാതിരി, ഇവിടെ ഇരുന്നാല് ആരും നമ്മളെ കാണൂല”
അത് കേള്ക്കലും ഭാര്യ ബോബ്സിനെ തുറിപ്പിച്ചു നോക്കി...
“നിങ്ങള് ഇതിനു മുന്നേ ഇവിടെ ഇരുന്നിട്ടുണ്ടോ?”
പണി പാളി...
“പിന്നെ... ഞാനും അഭിയും എപ്പോളും ഇവിടെയ ഇരിക്കുക... എന്താ കാറ്റ്? നോക്ക് അടുക്കള.. എത്ര മനോഹരം... അല്ലെ? പിന്നെ, ഇവിടെ ഇരുന്നാല് പുറത്തുള്ളവരെ ഒക്കെ കാണാം.. അതാ നോക്ക് ഒരു പിച്ചക്കാരന്... ആഹ!!”
സംശയം മാറാതെ ഭാര്യ വീണ്ടും ബോബ്സിനെ നോക്കി... അതോടെ ബോബ്സ് പതിനെട്ടാമത്തെ അടവെടുത്തു...
“അല്ലെങ്കിലും നിനക്കെന്നെ സംശയമാണ്... ഇതിനാണോ കോട്ട് ഒക്കെ ഇട്ടു ഞാന് നിന്നെ കല്യാണം കഴിച്ചത്? പിന്നെ അഭിയും ജിയോയും രജനീഷ്ഉം ഒക്കെ എത്ര ബുദ്ധിമുട്ടിയ അന്ന് പുലിക്കളി ഒക്കെ കളിച്ചത്??”
അതോടെ ഭാര്യ വിട്ടു... അപ്പോള് ബോബ്സിന്റെ പിന്നില് നിന്ന് ഒരു ശബ്ദം...
“
എന്താ...”
ഞെട്ടി പോയ ബോബ്സ്,
“അയ്യോ ഞാന് അല്ല.. ഇവളാ...”
തിരിഞ്ഞു നോക്കിയപ്പോ വൈട്ടര്... ഇളിഞ്ഞ മുഖം വേഗം മാറ്റി...
“എന്താ സര് വേണ്ടത്?”
“രണ്ടു KF… അല്ല, സോറി... എന്താ ചേട്ടാ ഉള്ളത്?”
“സര് ആ മെനുവില് ഉള്ളതെല്ലാം ഉണ്ട്”
“എന്നാ പിന്നെ...”
ഇതും പറഞ്ഞു അറിയാതെ പുറത്തേക്കു നോക്കി പോയ ബോബ്സ് ഞെട്ടി... പെട്ടന്ന് ഭാര്യയോട്,
“നീ ഓര്ഡര് ചെയ്, ഞാന് ഇപ്പോള് വരാം”
അപ്പോള് ഐസ് ക്രീം പാര്ലര്ന്റെ പുറത്തു മറ്റൊരു രംഗം കൊഴുക്കുന്നു...
“വരൂ നമുക്ക് ഐസ്ക്രീം കഴിക്കാം.. ഇവിടത്തെ ഏറ്റവും നല്ല ഐസ്ക്രീം പാര്ലര് ഇതാണ്...”
“ഛെ, നീയെന്താ ആതിരെ ഈ പറയുന്നത്... നമുക്ക് ബീച്ചിലേക്ക് പോവാം കുറച്ചു നേരം കൂടെ നടന്നിട്ട് വരാം...”
“എനിക്ക് മടുത്തു... ഞാന് ഐസ്ക്രീം പാര്ലര്ലേക്ക് പോവാ.. വരുന്നെങ്കില് വാ...”
“നോക്കൂ എത്ര സുന്ദരമായ സായാഹ്നം... രക്ത വര്ണത്തിലുള്ള മേഘതുള്ളികള് ആകാശത്തിലൂടെ ഒഴുകി നടക്കുന്നു... കൂടണയാന് പോവുന്ന പറവകളുടെ കളകൂജനങ്ങള്... ഹാ!! എത്ര മധുരം... സ്വന്തം കാമുകന്റെ ഓരം ചേര്ന്ന് ആള്ത്തിരക്ക് ഇല്ലാത്ത ബീച്ചിലൂടെ നടന്നു നീങ്ങാന് ആതിരക്ക് ആഗ്രഹമില്ലേ?”
“സാഹിത്യമൊക്കെ കൊള്ളാം, പക്ഷെ എന്റെ കാലൊക്കെ വേദനിക്കുന്നു... പിന്നെ, ബോയിംഗ് ബോയിംഗ് സിനിമ ഞാനും കണ്ടിട്ടുണ്ട് കേട്ടോ...”
“എന്നാ പിന്നെ നടക്ക്... കര്ത്താവേ ആ കോര്ണറില് ഉള്ള സീറ്റ് കിട്ടിയാ മതിയായിരുന്നു...”
“അതെന്തിനാ?”
“അതോ, അത് പിന്നെ, ആ ടേബിളില് അഞ്ചു സീറ്റ് ഉണ്ട്, നമ്മള് അഞ്ചു പേരുണ്ടല്ലോ... എവിടെ നിന്റെ ഫ്രണ്ട്സ്?”
“അവര് മൂന്ന് പേരും ബീച്ചില് തന്നെ ഉണ്ട്... ഞാന് ഒന്ന് വിളിച്ചു നോക്കട്ടെ”
“ഡാ ജിയോ”
തിരിഞ്ഞു നോക്കിയ ജിയോ ഞെട്ടി പോയി... ബോബ്സ്!!
പ്രേതത്തെ കണ്ട പോലെ വിളറി വെളുത്ത് പോയ ജിയോയോടു ബോബ്സ്,
“നീയെന്താ ഇവിടെ? അതേതാ ആ ഫോണ് ചെയ്യുന്ന പെണ്ണ്?”
“ആ ഫോണോ? നോക്കിയ അല്ലെ?.. അതെ നോക്കിയ തന്നെ.. എന്താലെ...”
“സത്യം പറ മോനെ ജിയോ ആ പെണ്ണേതാ”
“എനിക്കറിഞ്ഞൂട... അല്ല ബോബ്സ് എന്താ ഇവിടെ?”
പെട്ടന്ന് ആതിര തിരിഞ്ഞു ജിയോയോടു,
“ജിയോ ഞാന് അവരെ കൂട്ടിയിട്ട് വരാം... അവര് മൂന്ന് പേരും വഴിയറിയാതെ ബീച്ചില് തന്നെ ഉണ്ട്.. ഇപ്പൊ വരേ...”
ജിയോയുടെ ആത്മഗതം...
“തോലഞ്ഞു”
“നീ കൊള്ളാലോഡേ, നാലെണ്ണതിനെ മേയ്ച്ചാണല്ലേ നടപ്പ്”
പെട്ടന്ന് പിന്നില് നിന്ന്...
“അച്ചായോ വേഗം വാ ഐസ്ക്രീം തണുത്തു പോവും”
“ഐസ്ക്രീം തണുക്കാനോ? സത്യം പറ ബോബ്സേ അതാരാ ഇരുട്ടത്ത് ഇരിക്കുന്ന ആ പെണ്ണ്?”
“എടാ അത്,”
“ഓഹോ, കല്യാണം കഴിച്ച നിങ്ങള്ക്ക് ഒരു പെണ്ണിനേം കൂട്ടി ഐസ്ക്രീം കഴിക്കാം, കല്യാണം കഴിക്കാത്ത എനിക്ക് വെറും നാല് പെണ്ണുങ്ങളെ കൂട്ടി ഐസ്ക്രീം കഴിചൂടെ? ഇതെവിടുത്തെ നിയമം? ഇതെവിടുത്തെ കോടതി???!!!”
ആകെ കണ്ഫ്യുഷന് ആയിപോയ ബോബ്സ്,
“അത് പിന്നെ”
“ഓക്കേ, നമുക്ക് കൊമ്ബ്രമൈസ് ആക്കാം, നിങ്ങളെ ഇവിടെ കണ്ട കാര്യം ഞാന് ആരോടും പറയൂല... എന്നെ ഇവിടെ ഈ നാല് പെണ്ണുങ്ങള്ടെ കൂടെ കണ്ട കാര്യവും നിങ്ങള് ആരോടും പറയരുത്... അഗ്രീട്??”
നിവര്ത്തിയില്ലാതെ ബോബ്സ്...
“ഓക്കേ..”
“എന്നാ പിന്നെ ഒരു നൂറു രൂപ തന്നെ, അവറ്റകള്ക്ക് ഐസ്ക്രീം വാങ്ങി കൊടുക്കണ്ടേ?”
ഗത്യന്തരം ഇല്ലാതെ പേഴ്സ് തുറന്നു നൂറു രൂപ എടുക്കുന്ന ബോബ്സ്. പൈസ വാങ്ങി കീശയില് ഇട്ടു തിരിഞ്ഞു നടന്നു കൊണ്ട്
ജിയോ...
“എന്തൊരു ചെലവാനെന്റെ അമ്മച്ചീ”
ജിയോ പോവുന്നത് നോക്കിക്കൊണ്ട് ബോബ്സ്...
“പൊട്ടന്, അവനു മനസ്സിലായിട്ടില്ല ഞാന് എന്റെ ഭാര്യയുടെ കൂടെയാണ് വന്നത് എന്ന്... കഷ്ട്ടം!!!”
(ശുഭം)
ആശയം, ആവിഷ്ക്കാരം: തമ്പു
തിരക്കഥ, സംഭാഷണം: സൂരജ്
കഥാതന്തു: ബോബ്സ്!!! (വാളെടുത്തവന് വാളാല്!!!)
Subscribe to:
Post Comments (Atom)
No comments:
Post a Comment